 |
| Argazkia: Moskuko Jaiak |
Plazaren zaku lasterketa eta sardin-jatearen iskanbila alaitik oholtzaren intimitatera salto egin genuen. 200 pertsonei zuzendu zitzaien Josune Monton Kabigorrin, 200 pertsonei zuzendu milaka emakumeon ahotsarekin; eredu estetiko hetero patrialkaletik at gauden emakumeon ahotsarekin. Virginie Despentesen King Kong teoria liburuan oinarrituta ordu erdiz, existitzen ez den emakumea hankaz gora jarri eta ezberdinak garen pertsonon aldarrikapena zabaldu zuen. Zelako indarra Josune!
Ahotsetik irudira eraman gintuen gure Mirenek. Miren Gaztañagaren kamaleoi gaitasunak hitzik gabe utzi gintuen. Stereo antzezteko erabilitako musika belarrietatik gorputz guztirantz barreiatu zitzaigun eta argien jolasak begi ninietatik muinera salto eman zigun. Erabat iraulita atera ginen bertatik. Iraulita eta berotuta. Jendetza hurbildu ginen Kabigorrira eta txiki geratu zitzaigun.
 |
| Argazkia: Jon Iraundegi |
Antzerkiak amaituta aire hartzera atera eta bitartean dena prest jartzen hasi ziren Napoka Iria Bandeko taldekideak. Zerbeza amaitu orduko haien musikak arratsalde amaiera musikatu zigun. Ahots eta musika indartsu eta hunkigarria entzuteko kanpoan ginen guztiak sartzen hasi ginen. Lehioetatikan soinu hotsak egan hasi eta kalea eta etxeak bete zituztean algara eta irrien hotsen amaiera markatuz. Eta hura gozatua! Gora Mosku!
 |
| Argazkia: Moskuko Bestak |
 |
| Argazkia: Moskuko Bestak |
 |
| Argazkia: Moskuko Bestak |
Iruzkinak
Argitaratu iruzkina